Gëzim të madh ka Kumanova

Teksti, muzika dhe interpretimi : Demir Krasniqi

Gëzim të madh ka Kumanova –
Mysafirë pret nga Kosova !
Motra , vëllezër , shokë e miq –
Në kufi pret në Stançiq !

Refreni:
Tash , gjithë festat e Kosovës ,
Sa herë ne, do t’i festojmë –
Rrugën e re drejt Kumanovës ,
Ne, përherë do ta kujtojmë !
Me gëzim do ta kujtojmë –
Ditën e inaugurimit !
N’ histori do t’ a shënojmë –
Si ditë feste të bashkimit !

Mirë se vini motra e vëllazëri –
N’ këngë e n’ gaz kemi me u shkri !
Sa krenarë është Karadaku –
N’ Kumanovë ju pret konaku !

Refreni:
Tash , gjithë festat e Kosovës …etj.

Ju pret buka , ju pret sofra –
Mirë se vini vëllezër e motra !
N’ Kumanovë vijmë shkurt e trup –
Ma nuk sillemi nëpër Shkup !
Refreni:
Tash , gjithë festat e Kosovës …etj.

Sytë na kënaqen nëpër këto treva –
Ma nuk sillemi kah Presheva !
Ma nuk sillemi kah Bujanoci –
Biem shkurt kah Bellanoci !

Refreni:
Tash , gjithë festat e Kosovës …etj.

Grykës s’ Karadakut , ngjitemi kah Zhegra –
N’ kopshte të merakut , nuk lamë bimë të egra !
Kalojmë në Pidiç dhe nëpër Shurdhan –
Në kufi n’ Stançiq , biem për Sllupçan !

Refreni:
Tash , gjithë festat e Kosovës …etj.

Nëpër fshatra t’ Kumanovës –
Do t’ pushojmë n’ Komunë t’ Likovës !
Atje poshtë ku është Opaja –
Na pret kënga e sevdaja !

Refreni:
Tash , gjithë festat e Kosovës …etj.

N’ Karadak , n’ malësinë kreshnike –
Vizitojmë fshatrat etnike ,
Me banorë vendorë shqiptarë ,
Që na presin me faqe t’ bardhë !

Refreni:
Tash , gjithë festat e Kosovës …etj.

Kumanovë , n’ gëzim e hare –
E gëzofsh rrugën e re !
Që të lidhë me ardhmërinë –
T’ përqafon me lumturinë !

Refreni:
Tash , gjithë festat e Kosovës …etj.

28 Nëntorin , sa herë që festojmë –
Rrugën Kumanovës gjithmonë ia urojmë !
Rrugët drejt Kumanovës kudo që të shkojnë –
Kumanovën me Kosovën gjithmonë i bashkojnë !

Refreni:
Tash , gjithë festat e Kosovës …etj.

Gjilan, më 28.11.2019.

Demir KRASNIQI

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).