Gështenja e egër ka veti shëruese

Gështenja e egër konsiderohet si tejet e dobishme për shëndetin. Ajo ka veti tonike dhe përdoret kundër temperaturave të përkohshme dhe të përsëritura, shëron dobësinë e barkut te gratë, kuron hemorroidet, forcon muskujt, pastron ulcerat dhe traumat, qetëson qarkullimin e gjakut dhe venat e zgjeruara etj, përcjell “Zëri”.

Gështenja e egër përdoret për disa sëmundje, si: kurimi i kollës së bardhë, kurimi i hipertrofisë, kurimi i shiatikut, etj.

Për të kuruar kollën e bardhë marrim rreth 50 g lëkurë të shtypur gështenje dhe e ziejmë për shumë kohë në një litër ujë. Tretësira kullohet dhe pihet një filxhan çdo ditë.

LEXO EDHE: Ja arsyet pse duhet të hani dredhëza

Për kurimin e shiatikut merren 5-10 kokrra të gështenjës së egër dhe grihen në pjesë të vogla.

Gështenjat e grira i përziejmë me një litër raki të fortë. Shishja mbulohet mirë për 3-4 javë duke u tundur vazhdimisht.

Pas kësaj kohe përzierja kullohet dhe me të bëhet masazhi i pjesëve të trupit të përfshira me shiatik tri herë në ditë derisa të pushojnë dhimbjet.

Kjo procedurë mund të përsëritet disa herë, derisa të ndieni lehtësim në vendin ku keni dhimbje. /ZËRI/