Gërxhaliu nuk e përjashton mundësinë e vrasjes së Kosovare Kurtajt

Eksperti mjekoligjor, Arsim Gërxhaliu, nuk e ka përjashtuar mundësinë që Kosovare Kurtaj të jetë vrarë, shkruan sot Koha Ditore.Ai thotë se 90 për qind të vrasjeve që inskenohen si vdekje aksidentale bëhen me aksidente komunikacioni.

Gërxhaliu ka kryer ekspertizën e së ndjerës në vitin 2010 dhe ka konstatuar me “besueshmëri të lartë shkaktarët e vdekjes”. Thotë se ka qenë i orientuar nga prokurori, QKUK-ja dhe Policia se vdekja ka ndodhur në aksident komunikacioni dhe mbi këtë bazë ka kryer ekspertizën.

“Ekziston raporti i Qendrës Emergjente në QKUK dhe janë të shenjëzuara edhe lëndimet. Aty flitet se ajo ka arritur në spital pa puls dhe pa shenja jete dhe me bebëza të zgjeruara. Thjesht ka gërvishtje, të cilat ngjasojnë edhe për ndonjë dalje nga vetura, apo diçka tjetër”, ka thënë Gërxhaliu për “Kohën Ditore”.

Në raportin e ekspertizës, Gërxhaliu ka përshkruar lëndimet në trupin e së ndjerës.

http://koha.net/?id=3&l=61603