Gërvalla takohet me kryetaren e Dhomës së Përfaqësuesve të SHBA-së, flasin për sigurinë

Ministrja e Punëve të Jashtme dhe Diasporës, Donika Gërvalla, është takuar me kryetaren e Dhomës së Përfaqësuesve të Shteteve të Bashkuara të Amerikës, Nancy Pelosi.

Përmes një postimi në Twitter, Gërvalla ka njoftuar se me Pelosi-n ka diskutuar për sigurinë në Kosovë dhe Evropë.
“Pata mundësinë që të shkëmbejë pikëpamjet mbi sigurinë në Kosovë dhe Evropë me Nancy Pelosi gjatë ‘Summit of the Americas’. Mirënjohëse ndaj saj për përkushtimin dhe mbështetjen në forcimin e marrëdhënieve mes Kosovës dhe ShBA-së”, ka shkruar kryediplomatja.

Gërvalla po qëndron në SHBA me ftesë të sekretarit Blinken, ku po merr pjesë në “Summit of the Americas”, që po mbahet në Los Angeles./Telegrafi/