Gërvalla: Isa Mustafa është nën tutelën e Thaçit e Veselit

Donika Gërvalla, kryetare e LDK-së në Gjermani, ka thënë se nuk do të lejojnë që subjekti i saj politik të kërcas sërish karriget.

“Nuk lejojmë me u përsërit skenari i mëparshëm”, ka thënë ajo për emisionin “Rrokum Rroll” me Fidan Jupollin në Rrokum.

Ajo thotë se LDK duhet të lirohet nga strukturat e sotme udhëheqëse. Sipas saj, Isa Mustafa e ka sjell LDK-në në subjekt që mund të marrë vetëm 13 për qind të votave në zgjedhjet e ardhsme.

Gërvalla deklaron se ka pasë oferta nga Mustafa që të jetë në listën e deputetëve, por se ka refuzuar këtë ofertë, pasi ishte e vendosur që të mos bëhet koalicion me – siç thotë – “anën e krimit të Dukagjinit e Drenicës”. Madje, ajo thekson se i ka shkruar letër Mustafës ku i ka thënë se ai (Mustafa) po kontribuon në shkatërrimin e LDK-së.

“Ai është teknokrat që nuk ka vizion me çua para LDK-në”, thotë Gërvalla! “Mustafa nuk është i lirë në vendimit e tij dhe është i paaftë me u çlirua nga tutela e Kadri Veselit e Hashim Thaçit”. /Rrokum/Telegrafi/