Gentjan Mezani rrëfehet për shumë gjëra që i përjetoi në Kosovë

Ish-trajneri i Gjilanit, Gentjan Mezani, i cili para dy ditësh dha dorëheqje nga “bardhekuqët” e Gjilanit e cila u aprovua nga krerët e Gjilanit, është rikthyer në qytetin e tij në Vlorë të Shqipërisë.

Mezani për afro dy vite të kaluara në futbollin e Kosovës dhe në qytetin e Gjilanit është rrëfyer për “Rajoni Press”.
“Futbolli i Kosovës mendoj sidomos në këto dy vite të fundit ka pasur rritje të vazhdueshme të cilësisë, pasi kanë ardhur shumë futbollist cilësor në futbollin e Kosovës, por e veçanta e gjithë kësaj presidentët e klubeve po bëjnë investime të mëdha për të mirën e futbollit”.

Mezani ka bërë të të ditur se në qytetin e Gjilanit ka kaluar siç është më së miri.
“Nuk kam fjalë për ta përshkruar mirësinë e njerëzve që gjeta në qytetin e Gjilanit, në këtë vend gjeta njerëz të mrekullueshëm dhe një qytet të mrekullueshëm që do të mbesin gjithmonë në memorien time”.

Trajneri Vlonjat, Mezani, ka qenë i zhgënjyer me paraqitjen e disa futbollistëve në skuadrën e tij.
“Nuk mundem ta them se ishin zhgënjyes, por disa futbollist kanë mundur shumë më tepër të japin, por s’mundem t’ju them emrat por ata e din vetë”.

Për trajnerin Mezani lidhja me presidentin e SC Gjilani, Florim Zuka, ka qenë më tepër se profesionale.
“Po e përsëris edhe një herë publikisht, për presidentin Florim Zuka mundem të them se Kosova vështirë ka burra të tillë çfarë është Florim Zuka, ai është njeri i jashtëzakonshëm, njeri shumë serioz e shumë korrekt, dhe mendoj se fjalët janë të pakta për të”.

Trajneri Mezani ka disa fjalë për “Skifterat”, duke theksuar se nuk e kam mbyllur përgjithmonë me Gjilanin.
” Jo, unë nuk do të thotë që u largova tani dhe mbylla gjithçka me Kosovën e SC Gjilanin, marrëdhëniet e mija me “Skifterat” janë të mrekullueshme edhe pse disa individ jo dashamirës të klubit kanë spekuluar se mundem të jem trajner i rivalit Drita, por në këto momente do të ishte e vështirë të ndodhte një gjë e tillë”.

Ish-trajneri i SC Gjilanit, Mezani, ka lavdëruar punën e të gjithë trajnerëve të Superligës.
“Superliga e Kosovës i ka të gjithë trajnerët shumë të mirë, ata të gjithë e bëjnë punën e tyre në mënyrë profesionale, por dikush ka pak më tepër fat, e në sport fati gjithmonë luan një rol të madh në karrierë”.

Trajneri Gentjan Mezani me të ndarë bashkëpunimin me Gjilanin, në adresën e tij kanë mbërritur shumë oferta nga klubet e mëdha të Shqipërisë./rajonipress/