Gentjan Mezani: Presidenti Florim Zuka njeri i fjalës dhe i besës

Gjilan – Ish trajneri i SC Gjilanit, Gentjan Mezani, pas dorëheqjes së tij nga klubi “bardhekuq”, ka fjalë të mëdha për Presidentin e SC Gjilanit, Florim Zuka.

Ndër të tjera ai ka thënë.
“Unë kam ofruar dorëheqjen time një muaj më parë, pasi që kam patur arsyet e mia familjare për të cilat kam munguar dhe nuk e kam ditur kohën se kur do të mund të isha pranë ekipit. Kam biseduar edhe me presidentin e klubit dhe i kam thënë që ndoshta është më mirë të vjen një trajner tjetër dhe të jetë afër skuadrës, pasi që rikthimi im nuk ishte i garantuar, mund të vonohesha edhe më shumë. Megjithatë, kërkesa ime nuk është pranuar. Në bisedën që kam zhvilluar me presidentin, ai ma ka shfaqur besimin e plotë dhe ma ka ofruar rikthimin, për të cilin unë jam falënderues gjithmonë dhe jo vetëm për këtë, por për të gjitha që ka bërë ai në radhë të parë për klubin dhe më pas për Mezanin si trajner. Është njeri i jashtëzakonshëm që nuk e ka shoqin”./rajonipress/