Në mbledhjen e mbajtur sot të kryesisë së SC Gjilanit pas insistimit të trajnerit Mezani për të dhënë dorëheqje, kryesia e SC Gjilanit e ka aprovuar këtë dorëheqje.
Në komunikatën e SC Gjilanit lidhur me dorëheqjen e trajnerit nga Vlora, Gentjan Mezanit, theksohet:
KOMUNIKATË ZYRTARE
Pas ndeshjes derbi të zhvilluar dje, sot kryesia e klubit mbajti takim së bashku edhe me trajnerin Gentjan Mezani, ku u analizua rrjedha e deritanishme e kampionatit.
Pas insistimit të trajnerit kryesia e klubit pranoi dorëheqjen e ofruar nga Gentjan Mezani, i cili edhe në periudhën kur mungoi për shkaqe familjare, kishte ofruar dorëheqje por që nuk ishte pranuar.
SC Gjilani e falënderon shumë trajnerin Mezani për punën dhe rezultatet e arritura së bashku në kampionatin e kaluar. Klubi i dëshiron suksese në karrierë Gentjan Mezanit.
Ekipin në ndeshjet në vazhdim do ta udhëheq Drejtori Sportiv Sallah Sherifi.
SC Gjilani
Gjilan 30 Nëntor
