Gentjan Mezani mbanë Gjilanin në Superligë dhe largohet me lot në sy

Trajneri Gentjan Mezani e arriti objektivin me Gjilanin duke e mbajtur skuadrën në elitën e futbollit të Kosovës edhe për një edicion tjetër.

Gjilani fitoi 4:2 në udhëtim te Dukagjini të shtunën, mjaftueshëm për ta lënë në vendin e barazhit ekipin e Feronikelit 74.

Pas ndeshjes, Mezani ishte shumë i emocionuar, ndërsa njoftoi edhe për largimin nga klubi. “Sigurisht që emocionet janë të mëdha.

Duhet t’i falënderoj çunat që ishin pjesë e ndeshjes së parë ndaj Prishtinës. Mendoj që kemi bërë diçka të pamundur. Kjo është meritë e futbollistëve.

Dua t’i falënderoj tifozët, kryesinë e klubit që më dha mundësinë. Uroj që janë ndarë të kënaqur. Sigurisht që nuk do të jem pjesë e Gjilanit nga edicioni i ardhshëm”, tha ndër të tjera Mezani me lot në sy./rajonipress/