Gentjan Mezani: Kërkoj përgjegjësi nga futbollistët

Gjilan – Trajneri nga Vlora, Gentjan Mezani, këto ditë me gjithë stafin e tij ka mobilizuar skuadrën e tij për sfidën e madhe të barazhit, kundër Besës së Pejës e cila zhvillohet në stadiumin “Fadil Vokrri” në Prishtinë.

Tekniku Gjilanas thekson se futbollistët e tij në këtë ballafaqim duhet të kenë përqendrim dhe përgjegjësi të madhe gjatë 90 minutave të kësaj sfide të vështirë.
“Do të jetë një ndeshje shumë e vështirë dhe në asnjë moment nuk do ta nënçmojmë kundërshtarin sepse ata nuk kanë se çka humbin, ne maksimalisht kemi analizuar çdo pjesë të kundërshtarit ndërsa nga futbollistët e mijë kërkoj përqendrim dhe secili futbollist të marrë përgjegjësin e vet sepse vetëm në këtë mënyrë do të dalim faqebardhë nga kjo sfidë”, thekson Mezani.

Trajneri Mezani ka edhe një apel drejtuar tifozëve të skuadrës,”Skifterat”, për ballafaqimin e nesërm.
“Ju jeni futbollisti i ynë i 12-të, ashtu keni qenë gjatë tërë kampionatit dhe nesër së bashku me ju kërkoj ta tejkalojmë këtë sfidë dhe të jeni shembull në tifozerin Kosovare ashtu siç dini dhe mundeni dhe së bashku t i gëzohemi fitores”./sylejman ismajli/rajonipress/