Gentjan Mezani: Do të japim më të mirën tonë për rezultat pozitiv

/ 2 minuta lexim

Në mesjavë të mërkurën, në stadiumin e qytetit në Gjilan do të zhvillohet derbi i javës së 29-të, i Superligës së Kosovës në futboll në mes Gjilanit e Prishtinës.

Ky ballafaqim i rivalve të vjetër mund të qartëson gjithçka në renditjen tabelare, pasi që çdo humbje eventuale e këtyre dy skuadrave do të thotë një hap larg titullit dhe daljes në garat evropiane.
“Bardhëkuqet” e Gjilanit, janë të përgatitur maksimalisht për këtë ndeshje të rëndësishme, ndërsa trajneri i “bardhekuqëve”, Gentjan Mezani, para kësaj sfide të rëndësishme për “RajoniPress”, ka dekaruar.

“Nesër do të zhvillojmë ndeshjen ndaj Prishtinës si të gjitha ndeshjet e radhës që i kemi zhvilluar gjerë më tani, do të jetë një ballafaqim mjaft interesant pasiqë do të ballafaqohen dy skuadra që kanë në mesin e tyre futbollist mjaft cilësor, ne do të japim maksimumin për rezultat pozitiv për tu forcuar edhe më shumë në kreun e tabelës, për këtë janë të vetëdijshëm edhe futbollistët të cilët do ti qasen kësaj ndeshje për rezultat pozitiv”.

KKGJILAN

Trajneri Mezani, ka theksuar se është shumë dëm i madh që ky derbi zhvillohet pa shikues.
“Jemi të vetëdijshëm për pandeminë por një derbi i tillë të zhvillohet pa prezencën e tifozëve “Skifterat” është i mangët, por ne në fushën e blert për 90 minuta do të japim gjithçka nga vetja që tifozët tanë t`i gëzojmë me rezultat pozitiv”.

Për skuadrën e Gjilanit, Prishtina është “macë e zezë”, pasiqë që nga viti 1999 Gjilani vetëm një herë e ka mposhtur në ndeshje kampionale Prishtinën në vitin 2016 duke e mposhtur me rezultat 1-0.

Nga 36 përballjet kampionale Prishtina ka arritur 24 fitore, 11 barazime dhe vetëm një humbje me gol dallim 58-17./rajonipress/