Gentiana Shabani në krye të Lëvizjes Qytetare “Vatra”

Gjilan – Në mbledhjen e radhës së “Lëvizjes Qytetare Vatra” anëtaret e kryesisë votuan për kryetarin e tyre të ri. Me shumice votash për kryetare u zgjodh, Gentiana Shabani, juriste e diplomuar pranë Universitetit “Hasan Prishtina”.

Menjëherë, me të marrë mandatin nga kryesia, zonja Shabani, u zotua se do të vazhdoj sensibilizimin e mëtejshëm të opinionit kombëtar dhe ndërkombëtar për Kauzën e Kosovës Lindore, si dhe do të vazhdoj ngritjen dhe zgjerimin e “Lëvizjes Qytetare Vatra”, raporton rajonipress.

Ndryshe, Gentiana Shabani është aktiviste e palodhshme e LQV-së që nga themelimi i saj dhe për momentin ndjek studimet master pranë “Universitetit Hasan Prishtina”.

Ardhja e saj në krye të LQV-së dëshmon frymën e lartë demokratike të kësaj lëvizje, që të rinjve dhe të rejave tu jepet rendësi dhe hapësirë e merituar.

Ndërsa në ditët në vazhdim “Vatra” do të mbajë kuvendet zgjedhore në Forumin e Gruas dhe atë të Rinisë thuhet në njoftimin e “Vatrës”./rajonipress/