Genk kërkon Ujkanin

Është Genku skuadra belge që interesohet për Samir Ujkanin. Sipas medieve italiane dhe, më saktësisht ‘Calciomercato.com’, një sajt i njohur Italian, skuadra belge ka ndër mend që të kthejë në Belgjikë portierin, që pikërisht aty e nisi karrierën e tij, duke luajtur në radhët e Anderlecht.

Këto ditë, gjithçka është intensifikuar më shumë, pasi skuadra belge, nëpërmjet drejtuesve, i ka kërkuar Palermos huazimin e portierit të Kombëtares, por përgjigja ka qenë ‘jo’, nga skuadra italiane, pasi ata janë në pritje për të parë se çfarë do të bëhet me portierin e parë Sorrentinon, që ka oferta nga Seria A.

Në rast se Sorrentino do të largohet nga Palermo, atëherë Ujkani do të vazhdojë të mbetet numri një i skuadrës siciliane, ndërsa në të kundërtën do të largohet nga Italia.