Genc Sermaxhaj: Drita e gatshme për derbin lokal

Derbi i Juniorëve U-19 në mes Dritës e Gjilanit ka zgjuar kureshtjen e shumë dashamirëve të futbollit jo vetëm në qytetin e Gjilanit, por në tërë Kosovën.

Ashtu siç është rivaliteti tek Seniorët ky rivalitet është bërë edhe tek Juniorët, por gjithmonë në suazat e sportivitetit duke dhuruar spektakël.

Trajneri i “bardhekaltërve”, Genc Sërmaxhaj, para sfidës së nesërme i ka përgatitur futbollistët e tyre që nga ky derbi të dalin të pamposhtur.

Nikoqiri i këtij derbi kësaj radhe është Drita, ndërsa trajneri Genc Sërmaxhaj i cili është duke e bërë një punë të shkëlqyeshme me futbollistët e tij duke e ditur se në këtë vit janë inkuadruar në Superligë para derbit lokal ka theksuar.
” Nesër kemi një ndeshje me rëndësi të veçantë, ne aspak nuk ngarkohemi me fjalën “derbi” dhe nuk e kemi imperativë që patjetër të bëhemi kampion duke e ditur se në këtë sezonë jemi inkuadruar në Superligë dhe kemi shfaqur lojëra tejet të mira. E gjithë ngarkesa është tek kundërshtari i nesërme, ne i kemi mposhtur në vjeshtë me rezultat 1-4 dhe ne para kësaj sfide jemi shumë të qetë. Urojë që të jetë një ndeshje e pëlqyer, cdo sukses i arritur deri më tani ju takon futbollistëve të mijë ndërsa urojë të jetë një ndeshje për lakmi e dy skuadrave që kanë futbollist të shkëlqyer në radhët e tyre, ju urojë paraqitje të mirë pasiqë tani e një kohë ky derbi ka munguar”, ka bërë të ditur trajneri, Genc Sërmaxhaj.

Sipas Sermaxhës edhe pse ka dy futbollist të lënduar shpreson se për ndeshjen e nesërme do të jenë të gatshëm të zbarkojnë në fushën e gjelbërt.

Në Superligën e Kosovës për Juniorë U19 kryeson Gjilani me 46 pikë, i ndjekur nga Ballkani me 43 pikë dhe Drita e cila pozicionohet ne pozitën e tretë me 42 pikë.

Derbi zhvillohet në stadiumin me bari-sintetik në periferi të Gjilanit afër fshatit Livoq, ndërsa takimi fillon në ora 12:00.

Siç kanë paralajmëruar tifozët “Intelektualët” e “Skifterat”, nesër pritet të jetë një numër i madh i tyre për ti përkrahur futbollistët e skuadrave të tyre në këtë kohë të pandemisë COVID-19./rajonipress/