Gazi amerikan, Adrian Shtuni: Kosova s’e ka luksin ta refuzojë, do të ishte autogol në rrafshin e ekonomisë e sigurisë

Adrian Shtuni, ekspert për politikë të jashtme dhe siguri që vepron në Uashington, është pyetur nëse Kosova e ka luksin të refuzojë projekte siç është gazi amerikan.

“Jo, aspak”, thotë Shtuni.

Ai thekson për Radion Evropa e Lirë (REL) se Kosova s’e ka luksin të shënojë “autogol” në rrafshin e ekonomisë, sigurisë dhe strategjisë.

“Refuzimi jo vetëm që do ta kthente Kosovën në një ishull të izoluar energjetik në Ballkan… por, do ta bënte këtë në kohën më të keqe të mundshme, pikërisht kur tregu global energjetik po përjeton krizë strukturore furnizimi dhe rritje galopante çmimesh për shkak të konflikteve gjeopolitike”, nënvizon Shtuni.