Gati vrapimi i Qytetit

Gjilan – Një bashkëpunim i tillë është bërë me Federatën e Atletikës së Kosovës dhe Shoqatën e Pedagogëve të Sportit Shkollor.

Njësia për Sport në Komunën e Gjilanit, edhe njëherë po dëshmon se me punën e saj po organizon manifestime të ndryshme për të mirën e sportit dhe rinisë së Gjilanit e më gjerë.
“Së bashku me Federatën e Atletikës së Kosovës kemi qëllim të ngrisim vlerat e mirëfillta sportive, por njëherit është nder dhe krenari të përkujtojmë Pranverën Studentore të vitit 1981. Në këtë manifestim të Atletikës do të marrin pjesë atletët nga Shqipëria, Maqedonia e Mali i Zi, njëherit kemi bashkëpunuar me pedagogët e shkollave të komunës së Gjilanit ku do të marrin pjesë rreth 850 nxënës, ndërsa numri i përgjithshëm do të jetë rreth 930 atletë”, ka bërë të ditur koordinatori i sportit në komunën e Gjilanit Malazog Hoxha.

Kategoritë e vrapimit do të jenë për Senior, shtegu do të jetë 11 300m, Juniorët 4 300m, Pionierët 2 300m, veteranët 4 300 metra, personat me aftësi të kufizuara (me karroca) 800 metra, ndërsa nxënësit e shkollave fillore dhe atyre të mesme do të vrapojnë në 2 000 metra.

Tre Atletët e parë në të gjitha kategoritë do të shpërblehen me kupa e medalje. Vrapimet do të mbahen të dielën me 12 mars në ora 11./sylejman ismajli/rajonipress/