Gati për sezon edhe Ronela Hajati

Këngëtarja nga Shqipëria, Ronela Hajati dhe rep artisti kosovar, Agon Amiga, do të sjellin së shpejti bashkëpunimin e tyre. Kjo verë do të përshkohet me duete shumë interesante, dhe një i tillë do të jetë edhe ky mes Ronelës dhe Agon Amigës.

Kënga ka përfunduar, gjithashtu edhe videoja dhe do të jetë gati shumë shpejt për adhuruesit. Edhe kësaj radhe Ronela vjen e nxehtë, duke parë disa nga fotot që këngëtarja ka shkëputur nga xhirimet e videos.

E këtij lajmi padyshim më së shumti i janë gëzuar fansat e dy artistëve të cilët duke u bazuar në komente duket se mezi po presin lansimin e këtij bashkëpunimi.