Gashi shënon supergol në fitoren e Baselit

Shkëlzen Gashi po shkëlqen edhe në fanellën e skuadrës së tij të re, Basel. Sulmuesi kosovar, Shkëlzen Gashi, po e vazhdon serinë e golave aty ku e la stinorin e kaluar.

Gashi ka shkëlqyer edhe në ndeshjen e tij të dytë me Baselin, kësaj here kundër Luzernit.

Shkëlzeni realizoi golin e dytë të fitores 3:0 të kampionëve zviceranë.

Ai realizoi në minutën e 39-të, pas asistimit nga Frei. Titullar në këtë ndeshje për Baselin ishte edhe Taulant Xhaka, i cili u ndëshkua me karton të verdhë.

Baseli tani ka gjashtë pikë në pozitën e dytë në renditjen e Superligës zvicerane, tri pikë më pak se Zurichu që prinë, por me një ndeshje më pak të zhvilluar.