Gashi pritet të jetë titullar

Aventura e Shkëlzen Gashit përtej Atlantikut me fanellën e Colorado Rapids do të startojë gjatë këtij muaji me katër ndeshjet miqësore në prag të edicionit të ri në Major League Soccer që nis më 6 mars.

Sulmuesi shqiptar është bashkuar me ekipin amerikan disa javë më parë, por zyrtarisht do të zbresë në fushë në ndeshjet miqësore që Colorado ka planifikuar deri në datën 27 shkurt.

Trajneri Pablo Mastroeni e ka projektuar sulmuesin kuqezi në formacionin bazë dhe sipas medieve amerikane, Gashi është një prej lojtarëve që do ta nisë edicionin nga fusha e blertë.

Ajo që bie në sy në formacionin e ndërtuar nga mediet pranë skuadrës së Colorado-s, është fakti se 10 nga 11 titullarët janë afrime të muajve të fundit. Gashi është një prej transferimeve më të bujshme në futbollin amerikan gjatë dimrit. (Kosova Sot)