Gashi, pa klub, por merr milionat

Ai fitoi 2 milionë franga bruto në vit, derisa edhe një milion do të marrë, pasi kontrata e tij do të zgjasë deri më 31 dhjetor

Në vend se të ankohet për largimin e pavullnetshëm nga skuadra amerikane Colorado Rapids, Shkëlzen Gashi, i jep të gjithë stafit nga një picë dhe i falënderon për tri vitet e fundit, shkruan ‘Blick’.

“Faleminderit për pasionin dhe përkushtimin tuaj! Uroj gjithë ekipin për një sezon fantastik”, thotë Gashi, përcjell albinfo.ch.

Për shkak se në ligë është i kufizuar numri i lojtarëve të huaj, Gashi nuk kishte të ardhme në skuadrën e Denverit.

Ai stërvitet çdo ditë me një trajner personal të fituesit dhe mban dietë, duke pritur ofertat. Gashi nuk është penduar që la Baselin për Amerikën, pasi ka përjetuar një përvojë të re, përcjell tutje albinfo.ch.

Edhe financiarisht nuk ishte keq. Ai fitoi 2 milionë franga bruto në vit, derisa edhe një milion do të marrë, pasi kontrata e tij do të zgjasë deri më 31 dhjetor. Në Amerikë ka luajtur 64 ndeshje me 14 gola dhe 6 asistime.

Edhe rikthimin në Zvicër nuk e përjashton. Me GC ishte fitues i Kupës, kurse me Baselin kampion më 2015. U zgjodh dy herë golashënuesi më i mirë i Ligës, duke shënuar 53 gola në 144 ndeshje.

“Sigurisht se më mungon Zvicra”, thotë Gashi, duke u shprehur i hapur për një rikthim, pasi është 30-vjeçar.

https://www.albinfo.ch/gashi-pa-klub-por-merr-milionat/