Gashi motivon Coloradon

“Më mirë të humbësh një herë 5:1 sesa pesë herë 1:0. Ne duhet dhe do të reagojmë. Urime NYCFC dhe Frank Lampard”, shkruan Gashi në “Twitter”.

Sulmuesi i Kombëtares shqiptare, Shkëlzen Gashi bëhet sërish protagonist me skuadrën e tij në SHBA, por këtë herë jo në fushën e blertë, shkruan albinfo.ch.

Një koment i publikuar nga sulmuesi i Kombëtares shqiptare të futbollit në “Twitter”, është publikuar më pas nga faqja zyrtare e Colorado Rapids në rrjetin social “Facebook”, si shenjë motivim pas humbjes në fundjavë ndaj New York City.

Colorado Rapids humbi me rezultatin e thellë 5:1, ndeshje në të cilën Gashi shënoi golin e nderit në minutën e 92-të.

“Më mirë të humbësh një herë 5:1 sesa pesë herë 1:0. Ne duhet dhe do të reagojmë. Urime NYCFC dhe Frank Lampard”, shkruan Gashi në “Twitter”, duke postuar edhe fanellën me numrin 8 të Lampard. Ndërsa komenti i tij është publikuar edhe në faqen e klubit.

Colorado Rapids ndodhet në vendin e dytë me 38 pikë në Ligën Perëndimore, ndërkohë që New York City kryeson atë Lindore me 36 pikë. Skuadra e New York Cityt ka në përbërjen e saj dy yje të futbollit si Andrea Pirlo dhe Frank Lampard.

http://www.albinfo.ch/gashi-motivon-coloradon/