Gashi: Kushtetuesja e vrau “Zajednicën”

Në emisionin Info Magazine të Klanë Kosovës, avokati Tomë Gashi thotë se vendimi i Gjykatës Kushtetuese për Asociacionin e Komunave Serbe, ka treguar se marrëveshjet e 25 gushtit janë kundër aktit më të lartë juridik.

“Po është vendim antikushtetues. Ky aktvendim e bënë të vdekur ‘Zajednicën’. Është kundër parimeve themelore”, ka thënë ai.

Gashi ka qenë pjesë e protestës së 9 janarit, ndërsa për fjalët se është duke kaluar nga PDK në Lëvizjen Vetëvendosje, ka reaguar duke u shprehur se ai “asnjëherë nuk ka qenë pjesë e partisë së Hashim Thaçit”.

“Ne nuk jemi të kurorëzuar, as me Albin Kurtin e as më Hashim Thaçin. Unë kam qenë këshilltar i Thaçit, e kur kam qenë unë këshilltar ai ka qenë në mandatin e parë. Atëherë kanë qenë punët shumë mirë, e madje ai arriti që ta shpallë pavarësinë”, thotë ai.