Gashi: Java e ardhshme mund ta gjejë Kosovën me qeveri të re

Shefi i Grupit Parlamentar të LDK-së, Arben Gashi pas mbledhjes së këtij grupi, ku u prezantua programi qeverisës ka thënë para mediave se java e ardhshme mund ta gjej Kosovën me Qeveri të re.

Ai po ashtu ka thënë se në momentin që të jep vendimin Gjykata Kushtetuese, ai do ta riaktivizojë ftesën për seancë të jashtëzakonshme.

“Java e ardhshme do ta gjej Kosovën me një qeveri të re. Ndoshta sot, ndoshta nesër merret vendimi. Jo nuk kemi informacion, por maksimalisht i ka 8 ditë i ka Gjykata Kushtetuese dhe besoj që e jap vendimin para 8 ditëve. Në momentin që të jep vendimin Gjykata Kushtetuese unë si shef i grupit do ta riaktivizojë ftesën për seancë të jashtëzakonshme, dhe normalisht do të caktoj ditën dhe orën. Dhe kjo nuk do zgjasë me shumë se 24 orë”, ka thënë Gashi. /Lajmi.net/