Gashi, gjashtë ndeshje pa gol

Shkëlzen Gashi e ka harruar zakonin e golit. Sulmuesi i Kombëtares nuk shënon prej 6 ndeshjesh ose prej 30 gushtit të këtij viti.

Golashënuesi i dy sezoneve të fundit në Zvicër nuk po gëzon një formë të mirë duke mbetur pa festuar edhe ndaj Young Boysit.

Baseli u mposht me rezultatin 4–3 dhe Gashi edhe pse ishte për 62’ minuta në fushë nuk arriti të realizonte.

Këtë nuk e bëri edhe në takimet e kaluara në kampionat, kupë dhe me Kombëtaren.

Sezonin e kaluar ai shënoi 25 gola në ndeshjet zyrtare me Baselin dhe Shqipërinë, ndërsa këtë sezon vetëm tre.

Shkëlzen Gashi u përfol se do të lëvizte nga skuadra kampione e Zvicrës në fuqi. Ndoshta qëndrimi aty e ka dëmtuar sulmuesin 26-vjeçar. /Telegrafi/