Shefi i Grupit Parlamentar të LDK-së, Arben Gashi pas mbledhjes me kryetarin e LDK-së, Isa Mustafa ka folur edhe për çështjen e presidentit.
Gashi ka thënë se Mustafa si bartës i këtij koalicioni do të fillojë të gjejë një zgjidhje për këtë çështje.
Ai ka thënë se ende nuk ka një kandidat zyrtar për president.
“Kandidatët shpallën në Kuvend me 30 nënshkrime nga ana e deputetëve, ende nuk ka një kandidat zyrtar për president”, tha Gashi.
I pyetur rreth këmbënguljes së AAK-së për postin e presidentit, Gashi u shpreh se “është vullnet politik i AAK-së”
Ai shtoi se ende nuk kemi akoma një minimum kritik për të nominuar një president.
“Ajo që duhet të merret seriozisht është se vendi nuk ka president dhe vendi dhe duhet të ketë president. Kuvendit duhet t’i propozohen dy kandidatë, duhen 60 nënshkrime që të jenë dy kandidatë”, tha Gashi.
Ai shtoi se zgjedhjet janë gjithmonë opsion në demokraci, dhe si LDK janë të gatshëm për këtë. /Telegrafi/
