UBT

Galatasaray e do Shaqirin

/ 1 minutë lexim

Mesfushori kosovar nuk po gjen hapësira të mjaftueshme në Liverpool dhe mund të largohet nga kampioni evropian.

Xherdan Shaqiri nuk po gjen hapësira të mjaftueshme tek Liverpooli.

Futbollisti kosovar ka përfunduar në bankinë tek “Reds” dhe po e shqyrton mundësinë e largimit.

Dhe, për përfaqësuesin zviceran së fundmi interesim ka shfaqur Galatasaray.

Lajmin e kanë bërë të ditur mediat turke, përcjell Gazeta Express.

Fidanishtja

Ish-futbollistin e Baselit, Bayern Munichut, Interit dhe Stoke Cityt e kishte kërkuar gjiganti nga Stambolli edhe disa vite më parë.

Ndërsa tash, Galatasaray ia ka mësyrë përsëri 28 vjeçarit, të cilin synon ta transferojë në afatin kalimtar të janarit.

Shaqiri e kishte nisur vrullshëm eksperiencën në “Anfield Road” duke shkëlqyer në pjesën e parë të sezonit të kaluar.

Por, më pas trajneri Jurgen Klopp e humbi besimin në të dhe qe afro një vit, Shaqiri është një rezervist i rregullt tek kampioni i Evropës.

Futbollisti kosovar e ka fituar dy herë trofeun e Champions Leagues, me Bayern Munichun dhe Liverpoolin. /Gazeta Express/