Gagica: Ne kemi paraparë mbështetje direkte për kultivuesit e Bletës dhe mjaltit

Gjilan – Bletaria është njëri nga bizneset më fitimprurëse në Kosovë. Vendi ynë ka kushte shumë të përshtatshme për kultivimin e Bletës dhe mjaltit. Sipas ekspertëve, vendi ynë ka mbi 127 lloje të bimëve mjaltëdhënëse me vegjetacion nga pranvera e hershme e deri në vjeshtën e vonshme ka shkruar Nazim Gagica.

Në vazhdën e vizitave nëpër biznese gjilanase, sot ishim tek Nusret Maloku, i cili merret me kultivimin e bletëve dhe mjaltit të cilësisë së lartë.
Programi ynë zhvillimor parasheh mbështetjen e parezervë edhe për bletarët dhe bletarinë përgjithësisht. Ne kemi paraparë mbështetje direkte për kultivuesit e Bletës dhe mjaltit, në mënyrë që të rritet prodhimi i bletarive ekzistuese dhe përmes granteve të rritet edhe numri i bletarëve të rinj sepse është veprimtari atraktive dhe që sjell të ardhura të mira për familjet tona.
NG