Futbollisti shqiptar zgjedhet në mesin e më të mirëve të javës në Zvicër
RajoniPress
12:46, 1 Prill, 2019
Në kuadër të Superligës së Zvicrës në futboll, në fundjavë u zhvillua java e 26-të.
Ndërkaq, mediumi zviceran “Blick” tashmë ka publikuar formacionin me 11 lojtarët më të mirë të kësaj jave, shkruan Zëri.
Në këtë formacion bën pjesë edhe futbollisti shqiptar, Pajtim Kasami.
Kasami startoi nga minuta e parë për Sion në fitoren 1:0 ndaj FC Zurich, ku bëri një paraqitje mbresëlënëse.
Ish-futbollisti i Fulhamit kishte përkrah vetes në sulm Ermir Lenjanin, ndërsa kundërshtar në fushë kishin Hekuran Kryeziun që luan te FC Zurich.
Ndërkaq, në barazimin 1:1 mes Grasshopers dhe Luganos u paraqitën tre futbollistë tjerë shqiptarë.
Te Lugano nga pjesa e dytë u paraqit Armando Sadiku, kurse te Grasshopers u paraqitën gjithashtu nga pjesa e dytë Nedim Bajrami si dhe Mërgim Bajrami.
Në fitoren 1:0 të Baselit, Taulant Xhaka dhe Albian Ajeti luajtën nga minuta e parë, ndërsa Edon Zhegrova nuk ishte as i ftuar./Zëri/
