Futbollisti shqiptar me goditje “rrufe” shtang të pranishmit, centimetrat shpëtojnë portierin

Ka ende shumë punë për të bërë që të përmirësohet në aspektin fizik dhe për të mbajtur ritmin e lartë të futbollit, por në cilësitë teknike, futbollisti shqiptar, Ernest Muçi është brilant.

Ish-lojtari i Tiranës e ka nisur nga minuta e parë ndeshjen e sotme ndaj Craiovas, që Legia e Varshavës e barazoi në shifrat 2-2.Muçi nuk ishte protagonist në golat e shënuar, por ka rrezikuar në disa raste portën e Craiovas.

Madje në minutën e 15 lëshoi një predhë nga distanca që meriton notën 10.Për fatin e keq të tij, topi shkoi ngjitur me shtyllën. Ernesti nuk mund t’i besonte syve sesi i shpëtoi goli më i bukur i karrierës.