Hidromorava

Futbollisti Feriz Sadiku nënshkruan për skuadrën zvicerane FC Will

/ 2 minuta lexim

Talenti i madh i futbollit me prejardhje nga Kosova pikërisht nga Petroci i Gjilanit, Feriz Sadiku, këto ditë ka nënshkruar kontratë me skuadrën zvicerane FC Will.

17 vjeqari i cili karrierën e kishte filluar në St Gallen para 6 muajve e kishte dërguar Sadikun në FC Will si huazim por skuadra e FC Will ka shprehur interesim për Sadikun duke i ofruar kontratë dy vjeçare.

FC Will e cila bën gara në Swiss-Challenge League, është një skuadër me traditë të gjatë futbollistike e formuar në vitin 1900, ndërsa stadiumi i saj ka kapacitetin e 6,000 ulëseve, ndërsa Sadiku tani për dy vite do ta djersit fanelën “zi e bardh” të FC Will.

Eco Higjiena

“Karrierën futbollistike e kam filluar që nga mosha 7 vjeçare në St Gallen, në pozitën e mesfushorit ofanziv ku jam duke luajtur ende këtë pozitë, para 6 muajve zyrtarët e St.Gallen më kanë transferuar tek FC Will por këta të fundit kanë kërkuar që të jem pjesë e tyre duke më ofruar kontratë dy vjeçare dhe për këtë jam i lumtur pasiqë skuadra e FC Will ju jep shumë hapësirë futbollistëve të rinjë”.

Talenti shqiptar, Feriz Sadiku në fillim të këtij viti kishte pasur oferta nga shteti i Maqedonisë dhe ai i Zvicrës, për të qenë pjesë e tyre por një gjë të tillë e kishte refuzuar kategorikisht.

“Është shumë e vërtet që kam pasur oferta por nuk kam dashur të jem pjesë e tyre, zemra ime ka rreh për shtetin e prindërve të mijë Kosovën dhe jam shumë krenar që Përzgjedhësi, Ramiz Krasniqi, më ka bërë ftesë të jem pjesë e saj, ndërsa mua më mbetet të dëshmohem me lojën time për shtetin e Kosovës dhe për skuadrën e re timen FC Will”, është shprehur talenti shqiptar, Feriz Sadiku./rajonipress/