Futbollisti Elvis Bettulat kalon sprovat në Freiburg por e kërkojnë shumë klube evropiane

Gjilan – Futbollisti me prejardhje nga Gjilani 16 vjeqari, Elvis Bettulat, i cili po bën karrierë në Francë tek skuadra Ain Sud Partnere e Olympique Lyon, me mjaft sukses ka kryer sprovat tek skuadra Gjermane e Bundesligës Freiburg.

“Ka qenë një javë shumë e mundimshme dhe profesionale tek Freiburg në Gjermani gjithçka ka shkuar super, për një javë i kam kaluar të gjitha testet mjekësore, kondukcionale, taktike si dhe kemi pasur ndeshje kontrolluese, ja kam arritur qëllimin dhe i kam bindur drejtuesit e kësaj skuadre të mëdha të futbollit Gjerman”, ka bërë të ditur 16 vjeqari, Elvis Bettulat.

Talenti i Elvisit nuk ka mbetur pa u vërejtur nga shumë klube të mëdha evropiane, këto ditë ka marrë ftesë nga skuadra Gjermane Stuttgart dhe dy klubeve nga Franca, Nancy dhe nga klubi i principatës Monaco.

“Ende nuk kam vendosur se ku do ta zhvilloj karrierën time futbollistike, skuadra e Freiburgut mi ka parashtruar ofertat e saja por menjëherë kam marrë ftesë nga tri skuadra tjera Stuttgart, Nancy dhe Monaco, në konsultim me prindin tim të cilin e kam njeherit edhe menaxher (Franck Bettulat), shumë shpejt do të përzgjedhim klubin tim të ri”.

Qendërmbrojtësi shtatëgjat (1,73) i cili ka idol Lorik Canën dhe Sergio Ramos, ka theksuar se do t`i mbron ngjyrat e Kombëtarës së Shqiprisë.

“Një kohë të gjatë isha në dilemë, por kam vendosur që ngjyrat e futbollit të Shqipërisë do ti mbroj, pasiqë e shohë karrierën time më me perspektivë”.

Nuk është i vetmi talent si Elvisi që po i ikin futbollit të Kosovës, Federata e futbollit të Kosovës duhet më tepër ti përcjellë talentët e saj nëpër klubet evropiane./rajonipress/