Futbollisti dëbohet nga Gjermania pas 20 vjetësh

Mentor Latifi është dëbuar nga Gjermania pas 20 vjetësh. Atij iu bë e ditur se do të duhet të largohet nga Gjermania, pasi Kosova llogaritet vend i sigurt.

Edhe pse ishte i integruar dhe nuk bëri asnjë problem, Mentor Latifi është dëbuar nga Gjermania pas 20 vjetësh qëndrimi, shkruan ‘torgranate.de’.

Ai ka luajtur në disa klube si KSV Baunatal, OSC Vellmar, KSV Hessen Kassel dhe FSC Lohfelden. Në 301 ndeshje, ai kishte shënuar 18 gola, përcjell albinfo.ch.

Megjithatë, ndeshjen e 302-të nuk do të mund ta zhvillojë në Gjermani, pasi autoritetet kanë vendosur që ta dëbojnë pas 20 vjetësh qëndrimi. Latifi kishte luajtur si qendërmbrojtës.

Takimi i fundit ishte mjaft special dhe emocional. “Ishte një lamtumirë me lot, Mentori ishte një qendërmbrojtës mjaft i rëndësishëm për skuadrën tonë”, deklaroi trajner Otmar Velte.

Edhe shokët e skuadrës me anë të një fotoje në “Facebook” e kanë përshëndetur futbollistin shqiptar. “Edhe pse do të largohesh ne gjithmonë do të kujtojmë dhe të urojmë suksese”.

Atij iu bë e ditur se do të duhet të largohet nga Gjermania, pasi Kosova llogaritet vend i sigurt.

Për festat e fundvitit ai do të jetë në Francë, në St. Louis, ku ndodhen përkohësisht prindërit e tij, derisa më pas do të transferohet në Zvicër, së bashku me gruan e tij.

http://www.albinfo.ch/futbollisti-debohet-nga-gjermania-pas-20-vjetesh/