Futbollisti 12-të vjeçar Selami Azemi mahnitë trajnerët Zvicran

Talenti i madh nga Malisheva e Gjilanit, Selami Azemi, i cili është pjesë e SC Gjilani, me talentin që posedon ky futbollist po paralajmëron një karrierë të shkëlqyer futbollistike.

Selamiu i cili mbi supet e tij ka 12 vite, por në fushën e blertë të futbollit të lë një përshtypje që kemi të bëjmë me një futbollist shumë të pjekur.

12 vjeqari nga moshatarët e tij dallohet si për nga cilësia e futbollistit por edhe nga edukata të cilën e ka ky talent dhe me të drejt është një perspektivë e ndritshme jo vetëm për SC Gjilanin por edhe për futbollin e Kosovës.

Futbollisti Selami Azemi i dashuruar pas lojës së futbollit, thekson se loja e futbollit për të është një dashuri që nuk do të shuhet.
“Jam shumë i gëzuar që gjendem në SC Gjilani, jemi një grup i madh i talenteve të futbollit por kemi edhe trajnerin shumë të mirë që po na zbulon fshehtësitë e futbollit. Për mua loja e futbollit është gjithçka dhe ëndërroj që një ditë të jem pjesë e një skuadre me emër”, thekson Azemi.

Talentin Selami Azemin e karakterizojnë shumë gjëra në fushën e futbollit, ai është një organizator i lojës ndërsa pozita ku mund të jep kontribut të madh është mesfushor ofanziv.
“Më së shumti më pëlqen pozita e mesfushorit ofanziv, pasi që jam më afër portës kundërshtare dhe është një pozitë që bashkëpunon gjatë 90 minutave me bashkëlojtarët ku varet edhe loja e skuadrës”, shprehet Azemi.

12 vjeqari Selami Azemi e karekterizon edhe përgaditja fizike, pasimet e sakta, driblingu, gjuajtjet e fuqishme por edhe posedimin e topit në këmbë, Azemi ka një vequri të rrallë pasi që me dy këmbët luan mjaft mirë por si armë të fortë e ka këmbën e djathtë që në të shumtën e rasteve është bërë “vrastare” për portat kundërshtare.

“Një ditë shpresojë të jem në rrugën e dy futbollistëve që më së shumti i adhuroj Messin dhe Neymar, pasi që nga ata varet edhe fati i skuadrës ku ata luajnë dhe janë idolët e mi të futbollit që më shtyn të punojë edhe më tepër”.

Talenti i tij nuk ka mbetur pa u vërejtur edhe jashtë Republikës së Kosovës, Azemi për një javë ishte në sprova tek skuadra e mirënjohur Zvicrane Winterthur, ku dhe u pëlqye nga shumë trajner Zvicran.

“Për një javë isha në skuadrën Winterthur në sprova më ndihmën e disa skautve të futbollit, për një javë në këtë klub më kanë testuar në të gjitha elementet e futbollit siç janë shpejtësia qëndrueshmëria, driblingun, forcën gjatë ndeshjes, gjuajtjet nga pozitat e ndryshme të fushës si dhe kemi patur ndeshje kontrolluese dhe sipas trajnerëve i kam plotësuar të gjitha kushtet të cilat i kanë kërkuar nga unë dhe ka mbetur vetëm që të kontaktojmë pas disa muajsh prapë me njohësit e kësaj skuadre Zvicrane”.

Se për çfarë talenti kemi të bëjmë një gjë të tillë e konfirmon edhe trajneri i kategorive të reja në SC Gjilani, Brezart Ismaili.
“Selamiu është një futbollist i talentuar dhe kemi fat që e kemi në mesin tonë, ai ka një vizon të madh gjatë lojës dhe ka një pjekuri të madhe edhe pse luan në kategorinë e Fatosave, jam i bindur se me punë Selamiu me të drejt është një ardhmëri e futbollit të Kosovës”.

Talenti siç është Selami Azemi duhet përkrahur në të gjitha mënyrat që ky futbollist i ri t`i arrijë synimet e tija futbollistike, duhet investuar dhe ndihmuar në këtë talent që nesër të jemi krenarë në fusha të futbollit për futbollistin nga Malisheva e Gjilanit./rajonipress/