Fushata ndërgjegjësimi për nxitjen e të rinjve që të ndjekin kurse profesionale sipas nevojës dhe kërkesës së tregut të punës

Gjilan – Institute for Development Studies (IDS) po implementon projektin “Gjuha, burim i rritjes ekonomike – Rinia, burimi i pastër i urtësisë dhe shpresës” të financuar nga Zyra e Komisionerit për Gjuhët – Qeveria e Kosovës. Në vazhdën e aktiviteteve, Organizata Jo-Qeveritare Institute for Development Studies në bashkëpunim me Grupi Lokal i Veprimit GLV “Kalaja” Novobërdë sot ka organizuar aktivitetin e radhës ku është vizituar Qendra për Aftësim Profesional në Gjilan, ku janë mirëpritur nga drejtori Burhan Selamani dhe Nefail Haziri, zyrtar në QAP.

Rezultatet e këtij aktiviteti ishin : Përfaqësues të shoqërisë civile, zyrtar komunal dhe të rinjët e komunave Gjilan, Novo Bërdë dhe Partesh dhe grupet tjera të interesit janë njoftuar me kapacitet që posedon ky institucion.

Fushata ndërgjegjësimi për nxitjen e të rinjve që të ndjekin kurse profesionale sipas nevojës dhe kërkesës së tregut të punës. Projektin “Gjuha, burim i rritjes ekonomike – Rinia, burimi i pastër i urtësisë dhe shpresës” i mbështetur nga Zyra e Komisionerit për Gjuhët po punohet në ngritjen e urave të reja të bashkëpunimit reciprok, krijimin e lidhjeve midis institucioneve të ndryshme të cilat kanë avancuar dhe po avancojnë zhvillimin komunave e sidomos zhvillimin ekonomik lokal me fokus të veçantë fuqizimin e pozitës së të rinjve në proceset ekonomike veçanërisht në punësim si dhe aktiviteteve që kontribuojnë në promovimin dhe mbrojtjen e të drejtave gjuhësore

Pjesë e aktiviteteve është edhe Zyra për Komunitete dhe Kthim Gjilan dhe Zyra për Integrime Evropiane Partesh.

Në tregun e sotëm të punës më shumë vlen një zanat sesa një diplomë. Qendra për Aftësim Profesional në Gjilan ofron këto lloje kursesh profesionale (Zdrukthëtar, Saldim, TIK, Administrim biznesi dhe Kontabilitet, menaxhim -Vetëpunësim, Dizajn grafik, Kuzhinier) ku të rinjtë mund të zgjedhin të regjistrohen falas./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).