Fuqia çudibërëse e majdanozit

Këtë bimë dhe erëz popullore, pothuajse të gjithë e kultivojnë në kopsht, apo e blejnë. Majdanozi është një nga erëzat më të njohura në botë.

Por, majdanozi është më shumë se erëz dhe dekorim në pjatë. Posedon pak kalori dhe është burim i mirë për minerale, antioksidues dhe vitamina, më të rëndësishmit vitamina A, riboflavinë, niacinë, vitamina C, E e K, nga mineralet përmban kalcium, hekur, magnez dhe zink.

Rrënja e majdanozit përmban katër herë më shumë vitamina C se sa limoni. Me përmbajtjen e vet, majdanozi shëron shumë sëmundje. Përbërësi miristicinë neutralizon efektin e substancave kimike që depërtojnë në organizëm me rastin e thithjes së duhanit, e kështu e parandalon edhe kancerin e mushkërive.

Po ashtu, në majdanoz hasim edhe aminoacidet që e përmirësojnë punën e zemrës, ul rrezikun për sulm në tru dhe zbut sindromën e lodhjes kronike, me çaj nga majdanozi shërohen dhimbjet e kokës, dhimbjet e dhëmbit, inflamacionet e veshkave, derisa çaji zbut edhe ngërçet gjatë ciklit menstrual.