Fundi i të hyrave nga Dogana

Qeveria e Kosovës duhet të mendojë seriozisht si ta mbushë buxhetin e shtetit. Në të hyrat e doganës, që deri më tani kanë qenë burimi kryesor i financimit shteti nuk mund të llogarisë edhe shumë gjatë. Fondi Monetar Ndërkombëtar porositë institucionet e Kosovës që dalëngadalë ta ndryshojë strategjinë e grumbullimit të të hyrave.

Sipas FMN-së, sektori publik varet kryesisht nga taksimi indirekt i cili i mbulon nevojat financiare, që tani për tani është në rregull për shkak të varshmërisë ekonomike të Kosovës nga importi.

“Në të ardhmen taksat doganore duhet të zëvendësohen derisa Kosova integrohet edhe më tej me fqinjët e vet dhe në BE, kështu qeverisë do t’i duhet ta rrisë mundësinë e taksimit të ekonomisë vendëse derisa modeli i rritjes ekonomike i Kosovës të ndryshojë nga varshmëria e tranfereve në prodhimtarinë vendëse”, thuhet në vlerësimin e fundit të FMN-së për Kosovën.(Tribuna)