Fuat Karabeg: Jam i lumtur që jam pjesë e Gjilanit

Gjilan – Futbollisti i cili ditë më parë ka zbarkuar në Gjilan, mesfushori Fuat Karabeg, i cili ishte lojtar i Vllaznisë së Pozheranit, është bërë pjesë e “bardh e kuqëve” të Gjilanit, duke qenë i lumtur që është pjesë e skuadrës së trajnerit Arbnor Morina.

Karabegu i cili konsiderohet njëri ndër mesfushorët më të mirë në futbollin Kosovar, me seriozitet të madh ju ka qasur stërvitjeve për të qenë sa më i gatshëm për sfidat të cilat e presin në Superligën e Kosovës në futboll.
“Jam shumë i lumtur që jam pjesë e Gjilanit është një dëshirë e kamotshme e imja që të jem pjesë e këtij klubi ku mbretëron fryma sportive, që në fillim më kanë pritur mjaft mirë si futbollistët njashtu edhe krerët e klubit, kam hasur në mikpritje të madhe dhe për këtë jam shumë i lumtur”, ka bërë të ditur Karabeg.

Se çka pret nga skuadra e tij e re, mesfushori Karabeg ka bërë të ditur se Gjilani është një skuadër e madhe.
“Skuadra e Gjilanit ka një traditë të madhe futbollistike, ne do të japim më të mirën që mundemi për ngjyrat e klubit, së bashku me bashkëlojtarët e mijë do t’ju gëzohemi fitoreve dhe tifozët tanë “Skifterat” do t’ju gëzohen sukseseve të klubit, por jam i lumtur që skuadrën e udhëheq njëri ndër trajnerët më të mirë në futbollin e Kosovës, Arbnor Morina, do të mundohem të mos e zhgënjej”.

Mesfushori Karabeg ka shpreh keqardhje që ish skuadra e tij, Vllazninë e Pozheranit që ka arritur në këtë gjendje jo të mirë por ka uruar që ky mes futbollistik do të këndellet.

Mesfushori ofanziv Karabeg gjatë karrierës së tij ishte pjesë e Prishtinës, Fushë Kosovës, Hajvalisë, Llapit e Vllaznisë./rajonipress/