‘FSK-ja po përmirëson çdo ditë kapacitetet e saj ushtarake’

Pavarësisht se FSK-ja ende pret që me ndryshime kushtetuese apo me ligj ta marrë epitetin e ushtrisë, vazhdojnë përgatitjet e pjesëtarëve të saj në shkollat më të mira të vendeve të ndryshme.

Një prej tyre është edhe në Gjermani. Në qendrat ushtarake gjermane deri më tash janë shkolluar e aftësuar 165 kadetë.

Krahas përpjekjeve për ta ndryshuar misionin e saj, FSK vazhdon me ngritjen profesionale të kuadrove, nëpër akademi ushtarake të shteteve evropiane, raporton RTK.

Atasheu ushtarak i FSK-së në Berlin, kolonel Xhavit Sadrijaj, thotë se prej vitit 2012 bashkëpunimi me Ministrin e mbrojtjes dhe bundesweh-rin gjerman është i shkëlqyeshëm dhe deri me tani në akademitë dhe qendrat tjera ushtarake gjermane, janë shkolluar dhe aftësuar 165 kadetë dhe pjesëtarë tjerë të FSK-së.

Kurse Sahadete Bajrami, është njëra ndër katetet e para që ka diplomuar në njërën nga akademitë ushtarake gjermane dhe tani shërben në Forcat e Sigurisë së Kosovës.

Atasheu Kolonel Xhavit Sadrijaj, thotë se momentalisht në akademitë ushtarake gjermane janë duke studiuar 8 kadetë të FSK-së dhe në vitin e ri akademik pritet që të vinë edhe 2 kadet tjerë të FSK-së.