FSK institucioni më i besueshëm për qytetarët, Mehaj: Pasqyrim i zbatimit të duhur të objektivave

Qendra Kosovare për Studime të Sigurisë (QKSS) ka publikuar sot anketën e Barometrit të Sigurisë në Ballkanin Perëndimor për vitin 2022 lidhur me besimin e të anketuarve në institucionet publike.

Sipas këtij raporti, Forca e Sigurisë së Kosovës është më e besueshmja me 83%, pasuar nga Agjencia e Menaxhimit të Emergjencave me 73% dhe Policia e Kosovës me 72%.

Lidhur me këtë, ministri i Mbrojtjes, Armend Mehaj ka thënë se ky rezultat është pasqyrim i zbatimit të duhur të objektivave me përkushtim të lartë.

“Ky rezultat është pasqyrim i zbatimit të duhur të objektivave me përkushtim të lartë, udhëhequr nga parimi i transparencës dhe llogaridhënies të plotë të Ministrisë së Mbrojtjes dhe Forcës së Sigurisë së Kosovës. Përgëzime për punën profesionale të Qendrës Kosovare për Studime të Sigurisë e ne vazhdojmë drejtë sukseseve të reja”, ka shkruar Mehaj.

Postimi i plotë:

FSK vlerësohet institucioni më i besueshëm i sigurisë nga qytetarët e vendit edhe për vitin 2022.

Qendra Kosovare për Studime të Sigurisë (QKSS) konfirmoi sot se Forca e Sigurisë së Kosovës edhe këtë vit doli të jetë institucioni më i besueshëm i sigurisë në vend për qytetarët e Kosovës, me nivel edhe më të lartë se viteve tjera, me 83 për qind të besueshmërisë qytetare.

Ky rezultat është pasqyrim i zbatimit të duhur të objektivave me përkushtim të lartë, udhëhequr nga parimi i transparencës dhe llogaridhënies të plotë të Ministrisë së Mbrojtjes dhe Forcës së Sigurisë së Kosovës.

Përgëzime për punën profesionale të Qendrës Kosovare për Studime të Sigurisë e ne vazhdojmë drejtë sukseseve të reja! /Telegrafi/

Shpërndaje.
© RAJONIPRESS