Fshati Tugjec i Gollakut

Nga Demir Krasniqi (Përkushtime ndaj vendlindjes)

Këtë këngë që po e këndoj –
Fshatit tim po ia kushtoj !
Le ta mësojnë t’ rinjtë brez pas brezi –
Se si ishte dikur Tugjeci !

Ah, Tugjec – vendlindja ime ,
Nga ti , ruaj shumë kujtime !…
N’ ty u linda , u pagëzova ,
Abetaren n’ ty e mësova !

O, Tugjec , fshat i Gollakut –
Djemtë e tu të dolën hakut !
Ke dhanë burra të konakut ,
Ke dhanë burra të bajrakut !…

Ke dhanë burra trima t’ qarkut –
N’ mbrojtje t’ vendit , t’ nderit , t’ pragut !…
Ke dhanë burra t’ stafit , t’ mendjes ,
Ke dhanë burra t’ lapsit , t’ penës !…

Fshat si ti , mund t’ gjendet rrallë ,
N’ gjirin tënd ke pesë mëhallë !
Lagja e parë është lagja e Kurtit –
Ka pasë burra ndër ma t’ urtit !

Lagja e dytë , lagja e Kosumit –
Ka pas trima që s’ janë trembë plumbit !
Lagja e tretë , lagja Ismajlit –
Ka pas burra , trima t’ malit !

Lagja e katërt , është Pireva –
Shëmbëlltyrë mbi këto treva !
Lagja e pestë , lagja e Buzokut –
Shëmbëlltyrë n’ malësi t’ Gollakut !

N’ Tugjec pat shumë njerëz të mirë ,
Që kanë ardhë si muhaxhirë –
Nga shumë fshatra t’ Jabllanicës ,
Rrethi i Nishit dhe Toplicës !…

Për shumë fshatra në këto male –
Ishte qendër komunale !
Ma vonë mbet Bashkësi Lokale –
Për t’ u shuar dalëngadale !
Dikur moti , Kulla e Tugjecit –
Ishte mbrojtje e gjithë rrethit !
Ishte mbrojtje e shqiptarisë ,
Strehimore e ushtrisë !…

Kishte Hanin , Zyrën e Vendit ,
Ofiqarin për mbajtje t’ rendit !
Kishte shkollën dhe xhaminë ,
Kishte shitoret , farkëtarinë …

Zanatli e farkëtarë –
Në shërbim t’ bujqve fshatarë !
Kishte Shtëpinë e Shëndetit –
Për banorë kujdes të mjekit !

Për shumë nxënës t’ fshatrave malore –
Kishte shkollë të plotë fillore !
Mësuesit e parë prej këtij katundi –
Nuhi Krasniqi e Zukë Kosumi !

Maliq Kurti trim i vërtetë ,
N’ muajin Tetor 1912 ,
Duke luftua n’ Kapi të Sfircës –
Na e vranë shkijet e Jabllanicës !

Hajdar Bajrami e Fejzë Brahimi –
Ranë viktima të një regjimi !
I lanë gratë pa burrë n’ konak ,
I lanë fëmijët pa babë bonjak !

Në Tugjec , në djep prej ahu –
U rritë Halil Fejzullahu !
Ishte trim e luftëtarë –
N’ fronte t’ luftës n’ vijë të parë !

N’ luftë t’ Kapisë , kundër zullumi –
Na u ka vra Arif Kosumi !
Bajram Kosumi djalë fisnik –
I burgosur politik !

Nga torturat prej Rankoviqi –
Ra viktimë Behlul Klaiqi !
Ali Buzoku n’ kufi t’ Shqipërisë –
Ra viktimë e tradhtisë !

Mbarë Tugjeci dhe Gollaku –
N’ lufta t’ ndryshme është larë prej gjaku !
Për viktima në këto treva –
N’ Tugjec prinë lagja Pireva !

N’ Kikë është vrarë Ahmet Pireva ,
N’ Gjilan është vrarë Bejtë Pireva ,
Në Prishtinë Asllan Pireva ,
Në Gjilan Zyhrije Pireva !…

Gjithandej kah valon bajraku –
Urojnë shqipet :”Rroftë Gollaku!
Bashkë me te , Tugjeci rroftë –
Kurrë për jetë mos u harroftë !”

Gjilan, më 26.05.2017.

Demir Krasniqi