Fshati Sllatinë e Epërme bëhet me ambulancë

Viti – Në fshatin Sllatinë të Epërme të Vitisë, sot u bë përurimi i ambulantes së re. Me këtë rast i pranishëm pos Kryetarit të Komunës së Vitisë, Sokol Haliti ishin edhe bashkëpunëtoret e tij por edhe stafi shëndetësor si dhe disa banorë të këtij lokaliteti.

Bëhet me dije se në shërbim të pacientëve në këtë ambulant për momentin do të jetë një motër e rregullt dhe vizita e mjekut dhe atë dy herë në javë.

Megjithatë nga Drejtoria e Shëndetësisë në Viti, thonë se po shikojnë mundësitë që mjeku të jetë i rregullt në ambulantën e këtij fshati dhe atë gjatë gjithë javës. Pos ambulantes është rregulluar oborri dhe hapësira për parking./rajonipress/