Fshati Qarr, i harruar nga investimet e komunës së Bujanocit

Fshati Qarr i komunës së Bujanocit është një vendbanim shqiptarë në të cilin jetojnë 80 banorë të shpërndarë në 12 shtëpi.

Banorët e këtij vendbanimi përmes një ankese drejtuar Titulli.com kanë shprehur shqetësimin e tyre për mungesën e investimeve nga buxheti i komunës deri më tani.

“Jam një banor i fshatit ku nuk kemi rrugë të asfaltuara edhe pse jemi pjesë e komunës së Bujanocit asnjë investim nuk është bërë dhe jemi të anashkaluar nga qeverisja lokal për një kohë të gjatë”, ka thënë për Titulli.com Kushtrim Alimi banorë i këtij fshati.

Sipas tij mësimin në shkollim fillorë të ciklit të ulët nuk zhvillohet por nxënësit e pakët që janë vijojnë mësimet në fshatin Muhoc dhe Rogan të komunës së Kamenicës.

Ai thotë se ka kërkesa të ndryshme por prioritet është asfaltimi i disa rrugëve sidomos rrugës me gjatësi prej 3.5 km që shpie në drejtim të fshatit Muhoc.

Ky fshat shpeshherë ishte pikënisje për fillimin e fushatës parazgjedhore për zgjedhjet lokale por tani si duket nga ankesa e banorëve mundë të thuhet se është lënë në harresë./Titulli.com/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).