Fshati Meshinë në Kamenicë hap mullirin e gurit për bluarje të drithit

Kamenicë – Duke e parë aq të nevojshme bluarjen e drithërave, fshatarët e Meshinës së Komunës së Kamenicës kanë hapur mullirin e gurit për të gjithë ata që janë të interesuar të bluajnë drithërat e tyre.

Mullirët e gurit me shekuj kanë qenë pjesë e familjeve tona, nëpërmjet këtyre mullinjve qytetarët e Kosovës kanë bluar drithërat e tyre për familjet e tyre, por me modernizimin e kohës shumë mullinj në Kosovë janë mbyllur dhe janë shkatërruar, e këta mullinj në luftën e fundit të Kosovës kanë mbajtur gjallë shumë familje.

Me përhapjen e virusit COVID -19 shumë familje edhe pse po kanë drithë në hambarët e tyre nuk kanë mundësi ta bluajnë drithin e tyre pasiqë mullinjtë me rrymë janë të nxanun ose nuk punojnë fare në këto ditë të vështira.

Duke e parë aq të nevojshme bluarjen e drithërave, fshatarët e Meshinës së Komunës së Kamenicës kanë hapur mullirin e gurit për të gjithë ata që janë të interesuar të bluajnë drithërat e tyre.
“Në mullirin tonë gjatë luftës së fundit kanë bluar shumë qytetarë drithërat e tyre, në ato kohëra të vështira duke e parë interesimin e qytetarëve ne si familje shumë vite përpara e kemi rregulluar e riparuar që në kohëra të vështira të jetë funksional, me rastin e shfaqjes së virusit COVID -19 ky mulli edhe një herë është bërë pjesë e shumë qytetarëve për të bluar drithin, ne si fshat dhe familje bëjmë apel të gjithë ata që janë të interesuar të bluajnë drithërat në fshatin tonë mund të vijnë e të bluajnë, për ne është një nder të kontribuojmë edhe një herë për popullin në këtë kohë të virusit famëkeq COVID-19”, ka bërë të ditur njëri ndër familjarët e fshatit Meshinë, Hajrush Krasniqi./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).