Fshati Malishevë kërkon ndihmën e policisë për të parandaluar aksidentet e rënda

Gjilan – Është mbajtur takimi në mes anëtarëve të Këshillit të Fshatit Malishevë dhe përfaqësuesve e Policisë së Kosovës në Gjilan. Për shkak të përkeqësimit të gjendjes e sigurisë në trafik, në fshatin Malishevë të Gjilanit, dhe për arsyen e disa aksidenteve të rënda, nga të cilat do kanë qenë me fatalitet, anëtarët e Këshillit të Fshatit Malishevë të Gjilanit kanë mbajtur një takim me përfaqësuesit e Policisë së Kosovës, për të diskutuar këtë çështje shumë të rëndësishme për komunitetin e fshatit, për të cilët siguria nëpër rrugët e fshatit është shndërruar në një breng shumë të madhe, pas ndodhjes së disa aksidenteve shumë të rënda ka thënë Latif Maliqi.

Takimi është zhvilluar në një atmosferë shumë të mirë, ku anëtarët e Këshillit kanë dëgjuar nga përfaqësuesit e Policisë së Kosovës me vëmendje dhe me kuptim të plotë për brengat e komunitetit të fshatit Malishevë.

Si rrjedhojë e bisedimeve, është ardhur deri te përfundimi se do të organizohen patrulla më të shpeshta nga ana e Policisë, për të parandaluar dukurit e mos respektimit të rregullave dhe ligjeve duke qarkulluar nëpër rrugët e fshatit me shpejtësi të madhe dhe me pakujdesi.

Pritet që takimet në mes përfaqësuesit të fshatit Malishevë dhe Policisë, të organizohen në të ardhmen dhe sipas nevojës edhe më shpesh. Ideja është të zhvillohet një bashkëpunim më i mirë dhe për të mirën e qytetarëve ka thënë Latif Maliqi kryetar i këshillit të fshatit Malishevë./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).