Frutat e malit mbrojnë trurin

Ngrënia e vazhdueshme e frutave të malit mund të pengojë plakjen e trurit të njeriut.

Studimet e bëra në minj eksperimental, të publikuara në konferencën e Experimental Biology, kanë hulumtuar efektin e frutave të malit në mbrojtjen e njeriut nga plakja.

Minjtë kanë konsumuar ushqimet e pasura me boronica ose dredhëza për dy muaj. Më pas shkencëtarët kanë përcjellë ndryshimet neurokimike të trurit të tyre dhe kanë vlerësuar nëse ushqimi i konsumuar ka penguar grumbullimin e lëndëve toksike në tru, të cilat ndikojnë në plakje.

Autorët e studimit shpjegojnë se sëmundjet si Parkinsoni dhe Alzheimeri ndodhnin pikërisht si pasojë e grumbullimit të proteinave toksike në tru.

Frutat e malit nxisin disa procese përmes të cilave pengohet grumbullimi i këtyre lëndëve të dëmshme me kalimin e viteve./mjekuNet/