Freskohu me “Coca-Cola” dhe takohu me Shaqirin

Munih – “Hapeni shishen dhe fitoni dhuratë fantastike për festat e fundvitit!” Gazeta “20 Minuten” u jep lexuesve të saj mundësinë që për dy javë, përmes kodit që do të gjejnë në brendësinë e kapakut të “Coca-Cola”, të konkurrojnë dhe të fitojnë një takim me Xherdan Shaqirin dhe një biletë për një ndeshje të Bayern Munchenit në Bundesliga 1.

Ylli i futbollit zviceran dhe idhulli i të rinjve, Xherdan Shaqiri, këtë edicion po luan te Bayern Munchen. Si ambasador zyrtar i kësaj pijeje të njohur freskuese, Shaqiri mund ta gëzojë tej mase një adhurues të tij gjatë këtij muaji.

Fituesi fatlum do ta ketë rastin të takohet me Shaqirin dhe do të marrë një biletë për të udhëtuar në Munih dhe ta shohë ndeshjen ndërmjet Bayernit e Borussia Moenchengladbachut (koha).