Forcohet LDK-ja në Gjilan, dobësohet koalicioni

Gjilan – Partneriteti qeverisës LDK – AAK – PD ka nisur të “tkurret”, pasiqë LDK-ja tashmë ia ka marrë AAK-së drejtorinë e shërbimeve publike kurse Partisë së Drejtësisë, drejtorinë e shëndetësisë. Këto ndryshme i ka konfirmuar për rajonipress edhe Lutfi Haziri.

Riformatimi i qeverisjes komunale ë Gjilan ka nisur të zbatohet edhe në praktikë. Tashmë koalicioni qeverisës LDK-AAK e PD ka nisur të “luhatet”. Lutfi Haziri kishte paralajmëruar më herët se do të ketë ndryshime të kësaj natyre, por jo edhe të atilla saqë të goditen partnerët.

Burimet tona mësojnë se tashmë LDK-ja ka marrë nën ombrellën e saj edhe Drejtorinë e Shërbimeve Publike e cila deri tani udhëhiqej nga AAK dhe drejtorinë e shëndetësisë që ishte pjesë e Partisë së Drejtësisë.

Lutfi Haziri ka konfirmuar për rajonipress këto ndryshime. “Po LDK-ja tani do të udhëheq me këto drejtori dhe prej të martës edhe priten emërime të reja”.

I pyetur nga rajonipress se këto ndryshime a mund të qojnë në prishjen e koalicionit aktual, Haziri tha shkurt.”Jo jo nëse dojnë rrinë nëse jo ecin. Nuk kam telashe unë”./rajonipress/