Forcimi i shërbimeve për diasporën – bashkëpunim i ri mes Komunës së Kamenicës dhe GIZ-it

Kamenicë – Drejtoresha e Zhvillimit Ekonomik, Burbuqe Leka, është takuar me përfaqësuesin e GIZ-it, koordinatorin për bashkëpunim me diasporë, z. Xhelal Derguti, për të diskutuar mbi hapat e ardhshëm në fuqizimin e shërbimeve komunale ndaj mërgatës.

Ky takim shënon një vazhdimësi të angazhimit të Komunës së Kamenicës në përfshirjen e diasporës në proceset e zhvillimit lokal, duke u bazuar në hulumtimin e realizuar nga Instituti GAP dhe duke kaluar tashmë drejt projekteve konkrete me mbështetjen e GIZ-it.

“Kamenica është komuna e vetme që ofron shërbime dhe projekte konkrete në lidhje me diasporën. Ky është një hap i rëndësishëm drejt forcimit të lidhjeve me bashkatdhetarët tanë dhe rritjes së rolit të tyre në zhvillimin e komunës”, theksoi Leka.

Leka falënderon z. Derguti dhe ekipin e GIZ për gatishmërinë e tyre, duke riafirmuar se shërbimet dhe projektet e reja do të sjellin përfitime të drejtpërdrejta për qytetarët dhe diasporën kosovare./rajonipress/