Foniqi: Alban Hyseni fitoren e ka të sigurt sepse nuk ka konkurrencë nga asnjë subjekt politik

Gjilan – Komunën e Gjilanit e presin shumë projekte madhore që disa prej tyre kanë filluar e disa janë në fazën e fillimit, e që bëhet fjalë për projekte milionëshe siç i ka prezantuar edhe vet kryetari Alban Hyseni, kështu që duhet patjetër edhe një mandat që t`i përfundoj projektet e filluara, e që do të jenë në të mirë të çdo qytetari të komunës tonë thotë Ardian Foniqi.

Ardian Foniqi është zyrtar komunal i cili vazhdimisht e ka promovuar punën e Alban Hysenit.

Foniqi madje beson se Alban Hyseni do ta marrë edhe një mandat meqë ka punuar dhe s`ka rivalitet e as konkurrenca nga subjektet politike.

“Besoj që nuk është i rrezikuar Alban Hyseni sepse për këtë kanë vendosur qytetarët dhe do të vendosin qytetarët se kush do të udhëheqë me komunën tonë sepse rezultatet e punës së kryetarit tani janë të dukshme dhe të prekshme për çdo qytetar, si punë e mirë shihet asfaltimi i rrugëve, jo vetëm në qytete, por edhe nëpër vende rurale. Fshatrat që kanë qenë të harruara nga kryetarët e më hershëm, ndërtimi i ambulantes, çerdheve, parkut, riparimin e po thuaj të gjitha shkollave investime në aparatura në QKMF, dhjetëra e qindra investime dhe punë tjera të mira, që po vlerësohen nga qytetarët e komunës” tha Foniqi për rajonipress.

Foniqi thotë se opozita në Gjilan nuk është e organizuar si duhet sepse ata ende kanë probleme të brendshme mese vete.
“Nuk ka konkurrencë as nga LDK-ja e as nga partitë tjera sepse ato kanë telashe të brendshme dhe qytetari gjilanas i ka provuar dhe i njeh mirë ata qysh kanë qeverisur në vitet e kaluara” tha Foniqi./rajonipress/