Eko Higjiena

Fondacioni Kosovë – Luksemburg:“Po vazhdojmë bashkëpunimin e mirë me Komunën e Vitisë edhe për dy vitet e ardhshme“

/ 1 minutë lexim

Viti – Kryetari i komunës së Vitisë Sokol Haliti, i shoqëruar nga zyrtari komunal, Granit Abdyli, kanë pritur sot në takim z. Florim Shabani dhe Izja Ademi nga Fondacioni Kosovë-Luksemburg.

Gjatë këtij takimi përfaqësuesit e këtij Fondacioni, potencuan se falë bashkëpunimit të mirë të komunës së Vitisë dhe të kryetarit Haliti me këtë Fondacion ata kanë vendosur që të vazhdojnë bashkëpunimin edhe për dy vitet e ardhshme, duke nënshkruar sot edhe marrëveshjen e mirëkuptimit në mes tyre.

Sipas kësaj marrëveshje dy palët pajtohen në menaxhimin e suksesshëm të sektorëve të Zhvillimit të Komunitetit dhe Aktivitete e Gjenerimit të Ardhurave.

Fundamenti

Kurse kryetari i komunës ës Vitisë, Sokol Haliti potencoi se kjo komunë edhe më parë ka pasur bashkëpunim shumë të mirë me Fondacionin Kosovë-Luksemburg dhe atë në fushën e edukimit, arsimit dhe bujqësisë.

Ai u shpreh i lumtur që përmes nënshkrimit të kësaj marrëveshje është vendosur që ky bashkëpunim të vazhdoj edhe për dy vitet e ardhshme nga i cili do të përfitojnë qytetarët vitias./rajonipress/